NAVEEN

புத்திசாலித்தனத்தின் முட்டாள்தனம்

2011-10-03T18:59:00.000-07:00

பொதுவாகவே நான் ட்விட்டரில் அதிகம் விவாதங்களில் கலந்துகொள்ளாமல் தனிக் கீச்சுகள் மட்டும் எழுதி விலகி விடுவது வழக்கம். விவாதங்கள், சண்டைகள் போன்றவை மீது எனக்குள்ள அதீத வெறுப்பே காரணம்.. அது ஒரு பலவீனமும் கூட.

விஷயத்திற்கு வருகிறேன். இங்கே நடந்திருப்பது ஒரு விளையாட்டான(???) ஒன்று என்றாலும், இது பல குழப்பங்களை உண்டாக்குவதால், இதற்கு விளக்கம் அளிக்கும் நிலைக்கு தள்ளப்பட்டுள்ளேன்.

கடந்த செப் 9 ஆம் தேதி ஒருவர் கீச்சியிருந்தது :

"புத்திசாலிகள் புத்திசாலிதனத்தை வெளிக்காட்டிக் கொண்டே இருக்க மாட்டார்கள் முட்டாள்கள் முட்டாள்தனத்தை காட்டிக்கொண்டே இருப்பது போல"

இந்த கிச்சை நான் படித்திருந்தேன். முக்கியமாக இதனைக் கீச்சியவருடன் இந்த கீச்சின் பொருளை வைத்தே சில கருத்து பரிமாற்றங்கள் நடந்தது. இதுவும் உண்மை.

நேற்று ( அக் 3) நான் இரண்டு கீச்சுக்கள் கொடுத்திருந்தேன்.

"புத்திசாலிகளின் பிரச்சனை முட்டாள்களிடம் அதனைக் காண்பித்துக் கொண்டே இருப்பது"

"முட்டாள்களின் பிரச்சனை புத்திசாலிகளிடம் அதனைக் காண்பித்துக் கொண்டே இருப்பது"

இந்த இரண்டு கீச்சுக்களும் மேலே குறிப்பிட்ட அவருடைய கீச்சிலிருந்து நிச்சயமாக காப்பியடிக்கப் பட்டவை அல்ல. இந்த ஒரு வரிக்கான விளக்கம் தான் கீழே வரும் நாற்பது வரிகளும்.

இந்த இரண்டையும் ஒரே கீச்சாக எழுத ஆரம்பித்து பின்னர் 140 யின் பிரச்சனையால் இரண்டு தனித் தனி கீச்சுக்கலாக அளித்தேன். (இது ஒரு கூடுதலான தகவல் மட்டுமே)

முதலில் குறிப்பிட்ட அவரது கீச்சையும், பின்னர் குறிப்பிட்டுள்ள என்னுடைய இரண்டு கீச்சுகளையும் படித்து, இவற்றிக்கான விளக்கத்தை படிக்கும் நீங்களே புரிந்து கொள்ளலாம். ( உங்களுக்கு இயல்பாக எழும் உணர்வைப் பொறுத்து ).

இவற்றில் கருத்து வேற்றுமையே இல்லை என்று நினைப்பவர்களுக்கு/நம்புபவர்களுக்கு என் விளக்கம் தேவை :

என் இரண்டாவது கீச்சில், முட்டாள்களின் பிரச்சனை அவர்கள் முட்டாள்த்தனத்தை புத்திசாலிகளிடம் காண்பிப்பது என்கிறேன். (முட்டாள்தனைத்தைக் காட்டுவதால் அல்ல பிரச்சனை. புத்திசாலிகளிடம் காட்டுவதால் தான் பிரச்சனை பிறக்கிறது என்று. ) இதற்கும் அவருடைய கீச்சுக்கும் உள்ள வேற்றுமையை கவனித்தால் தெரியும்.

முதல் கீச்சில், புத்திசாலிகளின் பிரச்சனை முட்டாள்களிடம் அதனைக் காண்பித்துக் கொண்டே இருப்பது என்கிறேன். அவருடைய கீச்சு இதற்கு நேர் எதிர்மாறானது. புத்திசாலிகள் தன புத்திசாதித் தனத்தை காண்பிக்க மாட்டார்கள் என்கிறார்.

இந்த பொருள் வேறுபாடுகளை எல்லாம் மீறி, என் கீச்சின் பிறப்பிடம் அவருடைய கிச்சுத் தான் என்று ஒருவர் சொல்லவும் வாய்ப்புண்டு. அதற்கான சாத்தியக் கூறுகள் அதிகம். அப்படிச் சொல்ல உரிமையும் உண்டு.

இதற்கு என்னுடைய நேர்மையான பதில் இதுவே :

நான் அவர்களின் ட்வீட்டைப் படித்திருந்தேன். அதன் பொருளில் கருத்து பரிமாற்றமும் செய்திருந்தேன். எனவே அதனை நான் மறந்திருப்பேன் என்று சொல்ல முடியாது. இருப்பினும் நான் இந்த இரண்டு கீச்சுக்களை எழுதும்பொழுது ஒரு நொடி கூட அந்தக் கீச்சு என் நினைவிற்கு வரவில்லை.

சிந்தித்துப் பார்த்தால், அந்த கீச்சின் தாக்கம்/பாதிப்பு எனக்கு இருந்திருக்க வாய்ப்புண்டு. இந்த கருத்து (ஆதரவானதோ/எதிரானதோ) என் மனதில் பதிந்திருக்கலாம் (subconscious ). நிச்சயமாக அப்படித் தான் என்று சொல்ல முடியாது. சுருக்கமாகச் சொன்னால், அவரின் அந்த கீச்சு இல்லை என்றால் என்னுடைய இந்த கீச்சுகள் இருந்திருக்குமா என்றால்.. அது 50 - 5௦. தான். இருந்திருக்கலாம். இல்லாமலும் போயிருக்கலாம்.

இந்த இரண்டு கீச்சுக்கள் அந்த கீச்சின் பொருளிலிருந்து வெகுவாக மாறுபட்டாலும், அந்த கீச்சின் பாதிப்பிலிருந்து வந்திருக்கக் கூடும். முன்பே சொன்னது போல, ஒருவேளை அவர் இந்த கிச்சை எழுதாமல் இருந்திருந்தால் கூட என்னுடைய இந்த கீச்சுக்கள் பிறந்திருக்கக் கூடும்.

ஒன்று மட்டும் நிச்சயமாக சொல்ல முடியும். எவ்வகையில் நடந்திருந்தாலும் இது வேண்டுமென்றே intentional ஆகச் செய்யப் பட்டது அல்ல.

அப்படி ஒன்று செய்ய வேண்டிய அவசியமும் எனக்கு இல்லை.

என் கீச்சுக்களை பின்பற்றுபவர்களுக்கு இது நன்கே புரியும். முன்பே சொன்னது போல எனக்கு விவாதங்களில் பெரிய உடன்பாடு இல்லாததால் (குறிப்பாக இணைய விவாதங்களில்) இந்த பதிவை யாருக்கும் எந்த பாதிப்பும் இல்லாத வகையில் என் தரப்பு விளக்கங்களை மட்டும் எழுதியுள்ளதாக நம்புகிறேன்.

அவன் இல்லை இவன்(பாலா)

2011-06-18T18:31:00.000-07:00

அவன் இவன் படத்திற்கு விமர்சனம் எழுதுவதாக ஒரு துளி கூட எண்ணம் இல்லை. ஆனால் இந்த படம் ஒரு வித்தியாசக் காரணத்திற்காக விமர்சனம் எழுத வைக்கிறது. பொதுவாக நாம் விமர்சனம் எழுதக் காரணம், ஏதாவது நல்ல படைப்பு வெளியாகும். அதனை பெரும்பாலானோர் திட்டுவார்கள். நமக்கு பிடித்திருக்கிறது என்பதற்காக (நமக்கு புரிந்துவிட்டது என்பதைக் காட்டிக்கொள்வதற்காகவும் தான்) நாம் அதனைப் பாராட்டி விமர்சிப்போம். இங்கே கதை உல்ட்டா.

அவன் இவன் பொதுவாக மக்களிடைய அதிருப்தியையே ஏற்படுத்தி இருக்கிறது. படத்திற்கு அது தான் தகுந்த பதிலும் கூட. ஆனால் ஒரு வகையினர் இதனை பாராட்டியபடியே இருக்கிறார்கள். வெறும் படமாக அல்லாமல் பாலா படமாகவே. அப்படியாயின் என்ன அர்த்தம்? பாலா என்பவன் எப்படிப் பட்ட இயக்குனர் என்று அவர்களுக்கு அவரது முந்தைய படங்களால் புரியவில்லையா? போதாதற்கு நண்பன் சரவண கார்த்திகேயன் வேறு இப்படியொரு பதிவை எழுதிவிட்டான். நமக்கு கை சும்மா இருக்குமா. அதான் இந்தப் பதிவு.

இளம் இயக்குனர்களில் நான் முழுக்க முழுக்க நம்புவது பாலா மற்றும் செல்வராகவனை மட்டுமே. பருத்திவீரன் எடுத்த அமீர் கூட இல்லை. காரணம் இவர்கள் இருவரும் தொடர்ந்து நிரூபித்துக் கொண்டிருக்கிறார்கள்.

எனவே பாலாவின் ரசிகனாகவே நான் படம் பார்க்கச் சென்றேன். எதிர்பார்ப்பு சற்று குறைந்திருந்தது. 'நான் கடவுள்' படத்தின் Scriptயில் உள்ள சில சிறிய குறைகள் காரணமாக இருக்கலாம். இருப்பினும் 'நான் கடவுள்' படத்தை நான் வெகுவாகப் பாராட்டவே செய்தேன். பல காரணங்கள். சரி.இப்போது 'அவன் இவன்'க்கு வருவோம்.

ஒழுங்காக போய்கொண்டிருந்த பாலா திடீரென முழு நகைச்சுவை படம் என்றார். பொதுவாக பாலா படங்களிலும் செல்வா படங்களிலும் நகைச்சுவை தூக்கலாக இருக்கும். சீரியசான பாடமாக இருந்தாலும் கூட. ஒரு வகையில் கமர்ஷியல் அம்சங்களை சொருகுவதில் இவர்கள் இருவரும் வல்லுனர்கள். ஆனால் அவை அனைத்தும் மிகவும் ரசிக்கும்படியான எதார்த்தமான நகைச்சுவைகள். பிதாமகன் படத்தில் சூர்யா விக்ரமைச் சந்திக்கும் முதல் காட்சியில் சூர்யாவை விக்ரம் பிராண்டியதும் அங்கிருக்கும் போலி சாமியார் கிழவனிடம் போய் சொல்வான். அதற்கு அவன் தன் கையில் இருக்கும் கட்டு போட்ட காயத்தை காண்பித்து முகத்தைத் திருப்பிக்கொள்வான். இது தான் பாலா டச். ஆனால் அவன் இவன் படத்தில் என்ன நடக்கிறது. நகைச்சுவை என்ற பெயரில் வெறும் கவிச்சி. ஒரு காட்சியில் மது அருந்திக்கொண்டிருக்கும் விஷாலைப் பார்த்து அம்பிகா சொல்வார், 'எல்லாத்தையும் தீர்த்துடாத. அம்மாவுக்கு ஒரு கட்டிங் வை. வர வர சரக்கடிக்காம தூக்கம் வர மாட்டேங்குது'. மற்றொரு காட்சியில் 'அவனுக்கு அவன் குஞ்சு மணிய புடிச்சு ஒழுங்கா ஒன்னுக்கு கூடப் போகத் தெரியாது'. இந்த மாதிரியான வசனங்களால் முழுக்க முழுக்க நிரம்பியிருக்கிறது முதல் பாதி. இதுக்குப் பேர் தான் நகைச்சுவையா? இதற்கு எதுக்கு அய்யா பாலாவும் எஸ்.ரா வும் தேவை. இதனை எங்களால் வேறு படங்களில் பார்க்க முடியாதா? சிரிப்பு வந்தால் கூட பரவாயில்லை. சிரிப்பும் வராதா வக்கிர வசன்கங்கள். இப்படி இருந்தால் உடனே அது எதார்த்தம் ஆகிவிடுமா? எதார்த்தம் என்பதை முழுக்க முழுக்க தவறாகப் பயன்படுத்துவது இது தான்.

பாலாவின் நகைச்சுவை தரமே முற்றிலும் இல்லாமல் நகைச்சுவையை திணிக்க முயற்சித்து சொதப்பியிருக்கிறார்கள். இங்கே இரண்டு விஷயங்களைக் தெளிவு படுத்த வேண்டியிருக்கிறது.

முதலாவது : மலைவாழ் இனத்தவரின் இயல்பு வாழ்வில் நகைச்சுவை இப்படித் தான் இருக்கும் என்று சொல்லலாம். இருக்கட்டும். மலைவாழ் இனத்தின் வாழ்வை சார்ந்து கதை நகர்த்த முடிவு செய்தவன் அதனை சுவாரஸ்யமாகக் கொடுக்க முடியும் என்ற அடிப்படையில் செய்திருக்க வேண்டும். அது தான் எதார்த்தம் என்று எண்ணிப் பார்த்து எந்த ரசிகனாலும் ஒரு படைப்பை ரசிக்க முடியாது.

அடுத்தது, நகைச்சுவையில் புது வகை. சரி தான். அதற்காகவும் ரசித்துவிட முடியுமா? உணவு புது வகையாய் இருந்தால் என்ன, அதன் பெயர் கவர்ச்சியாக இருந்தால் என்ன. சாப்பிட நன்றாக இருக்க வேண்டுமே. புது வகை நகைச்சுவை என்ற ஒரு Fact ஐ மட்டும் வைத்துக் கொண்டு பாராட்ட முடியாது. என் நண்பன் ஒருவன் 12B படமும், விருமாண்டி படமும் தரத்தில் சமம் என்பான். ஏனென்றால் இந்த இரண்டு படங்களிலும் தத்தம் இரண்டு கதைகள் சொல்கிறார்கள் என்பான். Factஐ வைத்து விமர்சித்தால் இப்படித் தான் இருக்கும்.

படத்தில் முக்கால்வாசி அளவிலான இந்த நகைச்சுவை முயற்சிகள் ஆக்கிரமிக்கின்றன. சிரிக்கவைக்கும் ஓரிரு நகைச்சுவைகளும் (Liarரை Lawyer என்று புரிந்துகொள்ளும் போலிஸ்) சந்தானம் வகைக் காமிடி. சரி இவை தாம் நன்றாக இல்லை என்று பார்த்தால், பொதுவாக பாலாவிடம் எதிர்பார்க்கும் எதுவுமே இங்கு நடக்கவில்லை. காட்சியமைப்பு, கதைக்களம், இயல்பான நடிப்பு என்று எதுவுமே இதில் இருப்பதாகத் தெரியவில்லை.

விஷால் நடிப்பு மட்டுமே இதில் பாராட்டத் தகுந்தது. அதையும் சில இடங்களில் யோசிக்க வேண்டியிருக்கிறது. அந்த கான்ஸ்டபிள் கதாநாயகி ஓவர் ஆக்டிங். அது சரி, அவர் வரும் காட்சிகள் அனைத்துமே செயற்கையானவை அதில் அவரது நடிப்பை எங்கே குறை சொல்வது? பாலா படங்களில், அவர் ஹீரோயின்களை சித்திரவதை

செய்துவிடுவார் என்று விளையாட்டாகச் சொல்வோம் (நான் கடவுள் பூஜா). அது படத்திற்கு அவ்வளவு தேவையானதாக இருக்கும். இங்கேயும் ஒரு ஹீரோயினை எதாவது பண்ண வேண்டுமென்று நினைத்துவிட்டார் போலும். குட்டிக்கரணம் அடிக்க வைத்து சித்திரவதை செய்கிறார். நம்மையும்.

இப்படியே முல்லாவாசிப் படம் முடிந்துவிட, கடைசியில் திடீரென மாறுகிறது. எப்படியாவது படத்தை முடிக்க வேண்டுமே. அதற்காக கடைசி அரை மணி நேரம் நன்றாக இருக்கும் என்று நினைத்துவிடாதீர்கள். அதுவும் கொடுமை. கடைசி அரைமணி நேரம் ஒரிஜினல் பாலா படம் என்று யாரவது சொன்னால் அது தான் பாலாவை மேலும் அசிங்கப் படுத்துவது.

நண்பன் ஒருவன் கூறுவான் 'பாலாவுக்கு படத்தின் முடிவில் எவனையாவது கொல்ல வேண்டும். அப்ப தான் நிம்மதி' என்று. இது எல்லா பாலா படங்களிலும் நடந்ததுண்டு. இருப்பினும் நான் ஒப்புக்கொள்ளவே மாட்டேன். காரணம் இதுவரை அவை வேண்டுமென்றே இல்லாமல் கதைக்குத் தேவையானதாகவோ அல்லது கதையே ஆனாதுமாகவோ இருக்கும். ஆனால் இங்கே. திடீரென ஒரு பிரச்சனையை பிறக்கிறது, திடீரென வில்லன் . திடீரென கொலை. திடீரென பழிவாங்குதல். இந்தப் படம் பொறுத்தவரை அந்த நண்பனின் கமெண்ட் முற்றிலும் உண்மை.

இந்த காட்சிகளின் வக்கிரமும் முழுக்க முழுக்க செயற்கையானவை. தேவையற்றவை. பிதாமகன் படத்தில் விக்ரம் வில்லனின் தொண்டையைக் கடிப்பார். அந்த காட்சியில் வலிமை உண்டு. விக்ரமின் கதாப்பாத்திரம் படம் முழுக்க அப்படிக் காட்சியமைக்கப் பட்டிருக்கும். சூர்யா மீதான நட்பும் வலியுறுத்தப் பட்டிருக்கும். அதற்கு அவ்வகை வக்கிரம் சரி. ஆனால் இங்கே கொலையும் தேவை இல்லை, வக்கிரமும் தேவை இல்லை. எல்லாமே செயற்கை.

இது பாலாவின் திறனை மிகவும் சந்தேகத்திற்கு ஆட்படுத்தும் படைப்பு. இதற்கு முந்தைய பாலா படங்கள் அனைத்தையும் மிகவும் ரசித்தேன். ஆனால் இப்பொழுது உண்மையில் அவரின் காலம் முடிந்துவிட்டதா என்ற எண்ணம் கூடத் தோன்றுகிறது. நிச்சயம் 'அவன் இவன்'க்கு முன்பிருந்த அவனில்லை இவன். .பாலா இனி அவர் பாணியிலேயே படம் எடுத்தால் நல்ல படைப்புகள் கொடுக்க வாய்ப்புள்ளது என நினைக்கிறேன்.

'அவன் இவன்' பாலாவின் பெயரில் படிந்த தூசி.

நந்தலாலா : மிஷ்கின் -> ராஜா

2010-12-07T16:33:00.000-08:00

கிட்டத்தட்ட அனைவரும் நந்தாலாவைப் பற்றி பேசி முடித்துவிட்ட சமயம், நான் இப்பொழுது தான் எழுதத் துவங்குகிறேன். பொதுவாக பதிவுகள் எழுத்தத் தயங்கும் ஒரே காரணம்... சோம்பேறித்தனம் தான் வேறென்ன. அதனையும் மீறி இதனை எழுதத் துவங்கும் ஒரே காரணம்... நன்றியுணர்வு தான் வேறென்ன. ஒரு பார்வையாளனாக வெகு நாட்கள் கழித்து நல்ல படைப்பொன்றை ரசித்தமைக்கு இருக்கும் உணர்வே.

நந்தலாலா படம் பார்ப்பதற்கு முன்னர் நமக்கே தெரியாமல் நம் மனதிற்குள் ஒளிந்திருக்கும் சினிமாவிற்கான கோட்பாடுகள் அனைத்தையும் அழித்திட வேண்டும். குறைந்தபட்சம் தமிழ் சினிமாவிற்கான கோட்பாடுகளை. அதாவது படத்தின் முதல் காட்சிகள் இப்படி இருக்க வேண்டும், படத்தின் கதைக்களன் இவ்வாறு, பத்து நிமிடத்தில் கதை இவ்வளவு நகர்ந்திருக்க வேண்டும் போன்ற முன்முடிவுகளை மறந்திடவும்.

படத்தின் ஆரம்பம் முதல் முடிவு வரை மிகத்துல்லியமாக, நிதானமாக, எதார்த்தமாக காட்சிகள் நகர்கின்றன. இதில் சுவாரஸ்யம் என்னவென்றால் சுவாரஸ்யத்திற்காக ஒரு காட்சி கூட சேர்க்கப் பட்டதாகத் தெரியவில்லை. தாய்மையைச் சொல்லும் கதை என்பதோ, பயணத்தை மையமாகக் கொண்ட கதை என்பதோ இதற்கு ஒரு கவர்ச்சி சொல்லாடலாக இருக்கலாம். உண்மையில் இது ஒரு அனுபவம். வாழ்க்கையைப் போல. படம் பாதி நகர்கையிலே பார்க்கும் சிலர் ..'என்ன தான் சொல்ல வர்றாங்க?' என்று முனகும் சத்தங்கள் கேட்டன. வாழ்க்கை செல்லும் வேகத்தை, திசையை, இயல்பை, மாறுதல்களைப் பார்த்து அவர்கள் இயற்கையை வினவும் கேள்வி தான் அது.

கடைசி பத்து நிமிடங்கள் கதை என்று சொல்லிக்கொள்ள உதவலாம். படம் முழுக்க நடக்கும் பயணமே கரு என்று சொல்ல உதவுகிறது. படத்தின் பயணத்தில் ஒட்டுமொத்தக் காட்சிகளைச் சேர்த்தால் அதில் சொல்ல முயல்வது பிரம்மிப்பூட்டுகிறது. காரணம் ஒன்று தான். எதார்த்தம் பிரம்மிப்பூட்டும் நிலையில் தான் தமிழ் சினிமாவும் அதன் ரசிகர்களும் உள்ளனர். சுருக்கமாகச் சொன்னால் இதில் நம் சமூகம் பற்றிய உணர்வு, மனித குணங்களின் இயல்பு, மனித நேயத்தின் அழுத்தம், தனிமையின் உச்சம் என்று அனைத்துமே மிகச் சுலபமாக ஆனால் அழுத்தமாகச் சொல்லப்பட்டு இருக்கின்றன. வாழ்க்கையைப் போல எதார்த்தமான பயணம் என்றால் அதனை வாழ்க்கையிலே பார்த்துக்கொள்வேன், சினிமா எதற்கு என்று கேட்பவர்களுக்காக இது.

போக இவை அனைத்தையும் அவரின் தனி பாணியிலே நகர்த்திச் செல்கிறார் மிஷ்கின். விரலை சுவரில் உரசிக்கொண்டே நடப்பது (பின்னர் தாயை தூக்கிக்கொண்டு நடக்கையில் தாயின் கால் விரல்கள் உரசுவதும்), பிச்சையைத் திருப்பிக் கொடுத்துவிட்டு அதனை மிரட்டி வாங்குவது, சில்லறையை மட்டுமே பணம் என்று நம்பும் அறிவு, கடவுளின் சிலைக்குரிய விளக்குகளை எடுத்துச் செல்வது, ஏன்...முக்கால்வாசி படத்தில் போட்டிருக்கும் பேண்டை கையில் பிடித்துக்கொண்டே நடப்பது உட்பட அனைத்துமே எளிமையான எதார்த்த கவர்ச்சிகள். மிஸ்கின் உண்மையாகவே நடித்திருக்கிறார்.

- அங்க பார்.அழுது அழுது சிரிச்சுருச்சு..

- இது உங்க அம்மான்னு பட்டி சொன்னாளா? இது உங்க பாட்டின்னு யார் சொன்னா? அம்மா சொன்னாளா?

- 'ஃபோட்டோ எப்படி முத்தம் கொடுக்கும்?' 'நீ மட்டும் ஃபோட்டோக்கு முத்தம் கொடுக்குற?'

போன்ற வசன்கங்கள் நிஜமாக ரசிக்க வைக்கின்றன.

நந்தலாலாவின் இசையை பேசாவிட்டால் அது 'நந்த'வைப் பற்றி மட்டும் பேசியதுபோலாகிவிடும். நந்தலாலா என்ற வார்த்தையை எழுதிய அடுத்த வினாடி இளையராஜா என்ற பெயர் தான் எழுதினேன் என்றார் மிஸ்கின்(படத்தின் டைட்டில் கார்டிலும் அவ்வாறே), உண்மையில் இளையராஜா என்ற வார்த்தைக்கு அடுத்து நந்தலாலா என எழுதியிருந்தாலும் தப்பில்லை என்று சொல்லும் அளவுக்கு இருந்தது இசை. இசை என்ற வார்த்தைக்கு இங்கு முழு அர்த்தம் 'பின்னணி இசை' என்றே கொள்ளலாம். 'ராஜாவின் இசை இல்லாமல் படமே இல்லை' என்பது பொய் தான். அனாலும் அதனை உண்மையைப் போல சொல்லத் தூண்டும் இசை. அதுவே அதன் சிறப்பு. உண்மையில் கதை மிஷ்கின் என்றால் கதாநாயகன் ராஜா எனலாம். படம் நகர்த்திச் செல்லும் பயணம், உணர்த்தப்படும் வலிமை இவற்றினுடன் ராஜாவின் பின்னணி இசை உண்மையான உணர்வுக்கு அருகே நகர்த்திச் செல்கிறது. இன்னும் சில காட்சிகளில் அமைதி அழகு.நந்தலாலாவைப் பொறுத்தவரை வசனம் பேசுகிறது. இசை வழியுறுத்துகிறது. அமைதி கற்பிக்கிறது.

மிஷ்கின் தனது தாயை சந்திக்கும்போது வரும் பாடல் முற்றிலும் ஏமாற்றமே. ராஜா ரசிகனாக ஒருவனின் எதிர்பார்ப்பு சேதுவின் 'வார்த்தை தவறிவிட்டாய்' அளவிற்கு இருக்கும். படத்தின் உணர்வு நிற்கும் இடம் கிட்டத்தட்ட அவ்வளவிலான ஒரு பாடலை வேண்டுகிறது. ஆனால் கிட்டவில்லை. பின்னணி இசைக்காக மன்னிக்கலாம். பிதாமகன் படத்தின் பின்னணி இசையை மிஞ்சுமா என்ற ஆவலோடு சென்றேன். 'கிட்டத்தட்ட' என்ற பதில் கொடுத்த ராஜாவுக்கு நன்றி.

தாய்மை பற்றிய படம்/ சோகப் படம்/ அழுகை தரும் படம் என்று வகைப்படுத்துவோர்...அழுகை தருவதை நல்ல படத்திற்கான அளவுகோலாகக் கொள்வோர் போன்றோர் மாறக் கிடைத்த வாய்ப்பு வேஸ்ட். படம் நகர்த்திச் செல்லும் பயணத்தின் அர்த்தம் புரிந்தால் இந்த வகைகள் எதிலும் அடங்காத சிறந்த படைப்பு நந்தலாலா. நன்றி மிஷ்கின்.

தாய்மொழி X தமிழ்

2010-09-27T06:24:00.000-07:00

நான் எப்பொழுதும் தமிழில் எழுதுவதைக்கண்டு நான் தமிழ் வெறியன் என்றும், ஆங்கிலத்தை வெறுப்பவன் என்பது போலவும் சிலர் நினைகிறார்கள். கேள்வியும் கேட்கிறார்கள். அப்படி நினைப்பவர்களுக்கு எனது ஒரே பதில்.

பொதுவாகவே தாய்மொழி, தாய்நாடு போன்ற Buildupகள் என்னிடம் அதிகம் கிடையாது (ஒரு சில முட்டாள்தனம் நீங்கிய எண்ணங்கள் தவிற. அதைப் பற்றி பின்னதொரு பதிவில் பேசுவோம்). தமிழ் மொழிக் காரணாக பிறந்ததால் ‘தமிழ் தமிழ்’ என்று கோஷம் போடவேண்டாம். இதுவே என் கையில் இல்லாத என் பிறப்பு ஒரு வேலை பிரான்ஸ் நாட்டில் இருந்திருந்தால், பிரெஞ்சு கோஷம் போடா வேண்டுமா? இதற்கு பெயர் தான் பற்றா?

தமிழ் மொழி எவ்வளவு சிறப்பு வாய்ந்த மொழி என்று அனைவருக்கும் (குறைந்தபட்சம் அனைத்து தமிழர்க்கும் ) தெரியும். அப்படியொரு மொழியை கண்டு/கற்று வியக்கிறேன். அவ்வளவு தான். இன்றும் அதனைப் படிக்க படிக்க வியப்பாகத் தான் உள்ளது. இதெல்லாம் தமிழ் மொழியின் சிறப்பு. தமிழை நான் படிப்பதும்/வியப்பதும்/நேசிப்பதும் கூட, அதன் சிறப்பினால் தான், தாய்மொழி என்பதால் அல்ல. நான் வேற்றுமொழிக் காரணாக இருந்து தமிழ் கற்றிருந்தாலும் இதே நிலை தான்.

என் கையில் இல்லாத என் பிறப்பு தமிழ் மொழிக்குறிதாக அமைந்தது ஒரு சந்தோசம். காரணம் என்னால் தமிழ் படிக்க, அதன் சிறப்புகளை தெரிந்துகொள்ள ஒரு வாய்ப்பு அது. அவ்வளவு தான். தமிழில் பேசுவதையோ எழுதிவதையோ நான் எக்கணமும் பெருமையாக நினைத்ததில்லை. தமிழனாக இல்லாமல்போயிருந்தால் இதனை செய்திருக்கப் போவதில்லை. அதன்பின் இதில் என்ன பெருமை?

சரி. தமிழனாகப் பிறந்து தமிழ் பேசுவதில் என்ன பெருமை? அது ஒரு சாதாரண விஷயம். தமிழர்களில் பலர் அந்நிய மொழியை பேசுவதில் பெருமை அடைகிறார்கள், எந்தவித அர்த்தமும் இல்லாமல். அவர்கள் செய்வது கேவலம் என்பதால் நாம் செய்வது சாதனை ஆகிவிடுமா? தமிழில் பேசுவது நமக்கு இயற்கை குடுத்த ஒன்று. அதனை பெருமை என்று சொல்பவன் யார் தெரியுமா? அவன் கூட்டத்தைச் சேர்ந்த மற்றவர்கள் செய்யும் பிழையை வைத்துக்கொண்டு தன் சாதரனத்தனத்தை விளம்பரப்படுத்த நினைப்பவன். எனவே, தமிழ் ஒரு சிறந்த மொழி என்று மட்டும் தான் சொல்வேனே தவிர, தமிழில் பேசுவதை பெருமையாக நினைப்பவன் அல்லன் நான்.

அடுத்தது நம் காட்டு ராஜா 'ஆங்கிலத்திற்கு' போவோம். தமிழில் பேசுவதையே பெருமையாக நினைக்காத நான் எப்படி ஆங்கிலம் பேசுவதை பெருமையாக நினைப்பேன்? நிச்சயம் இல்லை. தனது தேவைக்கோ, வசதிக்கோ, செளகர்யத்திற்கோ ஆங்கிலம் பேசும் தமிழர்களுக்கு நான் என்றும் எதிர்ப்பு இல்லை. ஆனால் தனக்கு வாய்த்த சிறப்புகள் தெரியாமல், மாற்றான் தோட்டத்து மல்லிகைக்கு மட்டுமே மணம் உண்டு என்று நினைக்கும் யோக்கியர்கள் பல. அதிலும் தமிழர்கள் இதில் கொஞ்சம் தலை தூக்கி நிற்பவர்கள். ஆங்கிலம் பேசுவதில் அப்படி என்ன பெருமை இருக்கிறதென்று எனக்கு புரியவில்லை. தமிழ் பேசுவதை கேவலம் என்று நினைத்து ஆங்கிலம் பேசுபவர்களுக்கு மட்டுமே என் எதிர்ப்பு. கவனிக்கவும் - இது தாய்மொழிப் பற்று அல்ல. அவ்வகையினரின் கேவலமான சித்தாந்தம் மட்டுமே காரணம். பின்னொருநாள் தமிழ் மொழி உலகையே ஆட்சி செய்தாலும் இம்மாதிரி ஆட்கள் மட்டும் திருந்தவே மாட்டார்கள்.

கேள்விகள்

2010-09-27T06:16:00.000-07:00

என்னிடம் பரவலாக கேக்கப் படும் கேள்விகளில் ஒன்று - நீங்கள் கமல் ரசிகரா? இளையராஜா ரசிகரா? என்று :

எளிதாகப் புரிந்துகொள்பவர்களுக்கு ஏற்றாற்போல் சொன்னால்,
நான் யாருக்கும் ரசிகன் அல்ல. எனக்குள் இருக்கும் ரசனைக்கு மட்டுமே நான் ரசிகன். காசு குடுத்து படம் பார்ப்பவன் நான், என் தேவைக்கும் ரசனைக்கும் முக்கியத்துவம் குடுக்காமல், நான் ஏன் கமலுக்கும் இளையராஜாவுக்கும் முக்கியத்துவம் குடுக்க வேண்டும்?

கமலின் திறமை சாதாரண தமிழ் சினிமா இயக்குனர்களிடமிருந்து மிக உயர்ந்து நிற்கிறது. அதே போல் இளையராஜா. நான் இதுவரை கண்டத்தில் இவர்களின் தளத்தில் இவர்களே ராஜா. மட்டமான நமது மக்கள் ரசனைக்கு விருந்தளிக்கும் சுயநலம் மறுத்து நல்ல படைப்பாளிக்கும் தைரியங்கள் கொண்டவர்கள். இது தான் என் கருத்து.

மேல்தளம் சற்று பலவீனம் அடைந்தவர்க்கு ஏற்றாற்போல் சொன்னால்,

ஒருவரின் படைப்பைப் பார்த்து அதனால் Impress ஆகி, உடனே அவனுக்கு ரசிகன் ஆகிவிட வேண்டும். அதன்பின் அவனது படைப்புகள் எவ்வளவு கேவலமாக இருந்தாலும் அதை ரசிக்க வேண்டும் என்பது தான் 'ரசிகன்' என்பதற்கு உங்களது அர்த்தம் என்றால், மன்னிக்கவும் நான் உங்கள் அளவுக்கு புத்திசாலி இல்லை. இப்படிப்பட்ட புத்திசாளிகளுக்குப் பெயர் தன்னைத் தானே ஏமாற்றிக்கொள்பவர்கள்.என்னைப் பொறுத்த வரையில் ரசிகன் என்பவன் ஒரு திறமைசாலியின் படைப்பு , பிரமிக்க வைப்பின், ஊரே அதை எதிர்த்தாலும் அது நல்ல படைப்பு என்பதில் நிச்சயமாக இருக்க வேண்டும் (எ.கா : ஹேராம்). அப்படியொரு திறமைசாலியின் படைப்பு தரமற்று இருந்து அதை அனைவரும் போற்றிப் புகழ்ந்தாலும், அதனை எதிர்க்க வேண்டும் (எ.கா: PKS)
***********************************************************************************************

அடுத்த கேள்வி: உங்களின் பெரும்பாலான கருத்துக்கள் ஏன் விவாதத்திற்கு உட்பட்டவையாகவே உள்ளது?

அவ்வாறு எண்ணுபவர்களுக்கு நான் கொடுக்கும் பதில் ஒன்று தான் :
சிந்தனைக்கு உட்பட்ட அனைத்து விஷயங்களும் விவாத்திற்கு உட்பட்டவை தாம். But not vice versa.

VÖIcÉ őf ĜōĐ

2010-07-11T02:00:00.001-07:00

Whenever my friends talk about the strengths of ‘our legend’ over
others who travels in the same boat, my reply for them is always same:
‘Your points are illogical. Remember that you do compare God with
fellow humans’ :). Yes. I always address our legend as The God of
Music who is none other than Maestro Ilayaraja.

Forgetting his composing of music for few moments, I just thought
about his singing. Ilayaraja, the singer has been left unnoticed or
underrated in my opinion. The reason could be Singer Ilayaraja has
been over shadowed by the composer inside him. I would say that the
songs which have been sung by him reaches the depth of the song’s
emotion and would not be the same if sung by any other. His voice
gives that special and unique feeling in the listener’s mind making
him to drench into the mood of the song, especially the sad ones. I
even enjoy the vocal harmony by him which commences most of the songs
under this category.
In short, I would name that as Bio-magnetic Voice.

I heard from many stating that his voice is not a smoothest one. My
reply is just this: The same way, a good movie struggles to prove its
quality when competing with a commercial one, Ilayaraja’s voice need
good listeners to prove its quality and strengthJ. We must have come
across hundreds of sweet and soft voices, but according to me, this is
one voice which is Soul Stirring.

I find it very difficult to list out the best ones of his voice. I
would recommend you to listen to the below ones to know the strength
of his voice. I failed to restrict them to the count of 10…. What do
you feel on the below list of 20?

1. Then Pandi (Nayagan)
2. Thendral Vanthu (Avatharam)
3. Vaarthai Thavarivittai (Sethu)
4. Enge Sellum (Sethu)
5. Sorgame Endralum (Vooru vittu Vooru vanthu)
6. Engengo Kaagal Sellum (Nandha)
7. Naan thedum (Dharma pathini)
8. Thulli Ezhunthathu Paattu (Geethanjali)
9. Paravayin Kootil (Tamizh MA)
10. Ada Veetukku Veetukku (Kizhakku Vaasal)
11. Un Kuthama (Azhagi)
12. Ariyaatha Vayasu (Paruthi Veeran)
13. Janani Janani (Thaai Mugambigai)
14. Aaru Athu Aalam Illa (Muthal Vasantham)
15. Thediyathu (Mahanathi)
16. Raja Rajathi (Agni Natchatram)
17. Panam Mattum (Solla marantha kadhai)
18. Poo Malaye (Pagal Nilavu)
19. Appan Endrum (Guna)
20. Yaarathu (Pithamagan)

நமிதாவின் செம்மொழிக் கவிதை

2010-06-29T07:37:00.000-07:00

பிடித்த வசனங்கள் - I

2010-06-22T07:51:00.000-07:00

"புத்திக்கு தெரியுது. மனசுக்கு தெரியல"
" எனக்கும் ரெண்டும் ஒன்னு தான்"

"அப்பா நீங்க தவம் இருந்து பெத்த புள்ள பா நான். என்ன கொன்னுடாதீங்க பா"
" டாக்டருக்கு கலர் டிவி, இன்ஸ்பெக்டருக்கு லேசெர் டிஸ்க், அப்பனுக்கு பாசமா? "

" உங்கள பொறுத்த வரைக்கும் நான் செய்றது கொலை. என்ன பொறுத்த வரைக்கும்
நான் செய்றது வெவசாயம் . புரியல? கல எடுக்குறது "

" தான் செய்றது தப்புனு கூட தெரியாத அளவுக்கு உங்களுக்கு தப்பு
பழகிப் போச்சு டா "

(படம்: இந்தியன்; வசனம்: சுஜாதா)

*******************************************************************************

"சும்மா கிண்டல் பண்ணாத. எனக்கும் அவருக்கும் இடைல எதும் இல்ல"
" அவ்ளோ டைட்டா கட்டி புடிச்சிட்டாரா ? "

(படம்: கண்டு கொண்டேன் கண்டு கொண்டேன் ; வசனம்: சுஜாதா)

*******************************************************************************

"சந்தோசம் ங்கறது அனுபவிக்கையில தெரியாதுங்க ; அது இல்லாம
போகுது பாருங்க. அப்ப தான் தெரியும் "

அபிராமி : 'இது உன்ன வெட்டுன அருவா. இந்த வீட்ல இருந்து வந்த
அருவா. பேர பாரு"

கமல் : 'கொ'....கோட்டைச்சாமி? "
அபிராமி : அது பெரிய கொம்பு . இது சின்ன கொம்பு. ஆனா பெரிய மாடு. "

(படம் : விருமாண்டி ; வசனம் : கமலஹாசன் )

*******************************************************************************

· " யானைக்கும் சரி, மனிதனுக்கும் சரி. மதம் பிடித்தால் தொல்லை தான் "

(படம்: தசாவதாரம் ; வசனம் : கமலஹாசன் )

*******************************************************************************

· "எங்க அப்பா ஒரு Engineer, Writer, கோவக்காரர் “

( படம் : கன்னத்தில் முத்தமிட்டாள் ; வசனம்: சுஜாதா )

*******************************************************************************

· " வீரம் னா என்னன்னு தெரியுமா? பயம் இல்லாத மாதிரி நடிக்கிறது "

(படம் : குருதிப்புனல் ; வசனம்: கமல்ஹாசன் )

ஒன்றே செய் - நன்றே செய் ..!

2010-06-20T07:54:00.000-07:00

“ C _ _ L “

“ THIS PROPERTY BELONGS TO ANOTHER PERSON. “

“ 1 + 1 = 2 “

“ ONCE IN A MONTH, I HATE BEING A GIRL. “

“ 100% NATURAL. “

என்ன டா.. ஒவ்வொன்னும் சம்பந்தாமே இல்லாமல் இருக்குனு பாக்குறீங்களா?
சம்பந்தம் இருக்கு. இவை எல்லாம், பெண்கள் அணியும் டி-ஷர்ட் களில்,
அவர்களின் மேல்தளத்தின் எழுதியிருந்த வாக்கியங்கள். நான் நேருக்கு
நேராக கண்ட நம் ஊர் பெண்களின் அலும்புகள் மட்டுமே இவ்வளவு. இன்னும் சில
High Class மாநகரங்களின் முக்கியத் தெருக்களில் நடந்தால், என்னென்ன
கிட்டுமோ தெரியவில்லை. ஒரு புத்தகம் எழுதலாம் போலும்.

இவர்களுக்கு நாம் சொல்ல வேண்டியவைகள்:

எங்கே வெவ்வேறு வேலைகளுக்கிடையில், ஓரிரண்டு முக்கிய விஷயங்களை
பார்க்காமல் மறந்துவிடப் போகிறர்கள் என்று எங்கள் மீது நல்லுள்ளம்
கொண்டமைக்கு நன்றி.

இம்மாதிரியான வாக்கியங்களை மேலே அணிந்து, துப்பட்டா அணியும் அணைத்து
பெண்களையும் கேலி செய்யும் உங்கள் தைரியம் அருமையோ அருமை.

எம்மாதிரி உடை அணியும் பெண்களையும் தவறான பார்வையில் பார்க்கக் கூடாது
என்று நியாயத்துக்காக போராடும் சில பல பெண்களின் வாயை மூடியமைக்கு கோடி
நன்றிகள்.

'வாக்கியங்கள் எதாவது இருந்தால், அதை மட்டும் படித்து விட்டு 'படம்'
பார்க்க மறந்துவிடுவர்' என்று இச்செயலில் எதாவது சூட்சமம் இருந்தால்,
மன்னிக்கவும். நாங்கள் அப்படிப்பட்ட ஏமாளிகள் அல்ல. குறைந்தபட்சம் நான்
அப்படி இல்லை.

உங்கள் தோற்றங்களையும், இன்ன பிற செயல்களையும் கவனிக்காத உங்கள் அம்மா
மார்கள், அப்பா மார்கள், அண்ணன் மார்கள், கணவன் மார்களுக்கு நாங்கள்
என்றென்றும் நன்றிக்கடன் பட்டிருக்கிறோம்.

கடைசியாக, உங்கள் சேவை எங்களுக்கு என்றும் தேவை. அதற்கான எங்கள் ஆதரவு
நிச்சயம் உண்டு

காதலும் காமமும்

2010-06-19T09:47:00.000-07:00

பல நேரங்களில்
என் கவனம் சிதறடித்து
வழி மாறி முனைவதற்கு
முழுக்க முழுக்க காரணம்
உன் கண்கள் மட்டுமே,
என்று சொன்னால்
அது பச்சைப் பொய்.

எது அழகு
என்று தேட வைக்கும்
அந்த விஷம அழகு
உன் மேனிக்கு
மட்டும் உண்டு.

காதலும் காமமும்
தன்டவாளக் கோடுகள்
என்றாய்.
இன்று ஏனோ
தடம் புரண்டது

பசி
மறக்கப் படுவதும்
மறுக்கப் படுவதும்
மறைக்கப் படுவதும்
இதைத் தவிர
வேறு எதில்?

காமரூபக் கதைகள்
படிக்கும் வேலையில்
எனை தடுத்த உனக்கு
தண்டணை மறுக்கப் பட்டது,
கதை நிஜம் ஆன
ஒரே காரணத்தினால்.

முதன்முறை
மனம் தொலைந்த
பொழுதின் அதே தயக்கம்.
இன்று முதன்முறை
வெட்கம் தொலைக்கும் பொழுதும்.

எனக்குள் நான் - V

2010-06-18T06:52:00.000-07:00

-கே: ஆண் பெண் நட்பு?
ப: பிம்பம்.

-கே: அழகில்லா பெண்களை பார்த்து பரிதாபப் படுவதுண்டா?
ப: ஆம். அவர்கள் தன்னை அழகாக காண்பிக்க முயலும்போது.

-கே: கலாச்சாரம் என்பது ?
ப: உஷ்ணம் தரும் போர்வை.

-கே: காதலர்க்கு ஆதரவா?
ப: காதலுக்கு ஆதரவு.

-கே: பெண்கள் கிரிக்கெட் பிடிக்குமா?
ப: பெண்கள் பிடிக்கும். கிரிக்கெட் பிடிக்கும்.

விண்ணைத் தாண்டி வருவாயா

2010-06-17T07:28:00.000-07:00

-த்ரிஷாவின் அழகில் மயங்கி விழுபவர்கள்,
-காதல் காட்சிகளைக் கண்டு உருகும் ஜீவன்கள்,
-ஆரம்ப நிலைக் காதலர்கள்,
-காதலுக்காக ஏங்கிக் கொண்டிருபவர்கள்,
-சினிமாவில் வருவது போல் காதல் வயப்பட்டவர்கள்,
-காதல் தோல்வி அடைந்தவர்கள்,
-சுருக்கமாகச் சொன்னால் -சாதரணமாக ஒருவரை ஒருவர் புரிந்துகொண்டு காதல் செய்பவர்களும், காதலுக்கு ஏங்காமல் இருப்பவர்கள்- தவிர்த்து இருக்கும்மற்றவர்கள்,
-திரையில் வரும் காட்சிகளை தனக்கு ஒப்பிட்டு பிடித்தமானதாக்கிக் கொள்பவர்கள்,
-தொடர்கதையில் காதல் செய்யும் முத்துவும் ராணியும் திருமணம் செய்தல் சந்தோஷப் படும் சாதாரணர்கள்,
-காட்சிகளில் ஸ்டைல், ராயல் லுக், அழகு இருந்தால் சிறந்த காட்சி அமைப்பு என்று நம்புபவர்கள்,
-அடாவடித் தனம் செய்து பிழைத்துக் கொண்டிருக்கும் ஒரு நடிகர், அதை விடுத்து சாதாரணமாக நடித்தால் அதை ‘சிறந்த நடிப்பு’ என்று சொல்பவர்கள்,
-பாடல்களைக் கேட்பதற்கு முன்பே ஏ.ஆர். ரஹ்மான் என்ற பெயருக்காக பாடல்களுக்கு ரசிகர் ஆகுபவர்கள்,
-Script இல்லை என்றாலும் வெறும் Making ஐ வைத்து 'நல்ல படம்' பெயர் கொடுப்பவர்கள்.

இவர்களில் ஒருவரேனும் 'விண்ணைத் தாண்டி வருவாயா' படத்தை ஒரு சிறந்த படமாக மிகைப்படுத்திச் சொல்லக் கூடும். நம்பி விடாதீர்கள்.

பி. கு1: இது ஒரு Pizza Hut அட்டையில் வைத்து கொடுக்கப்பட்ட ஒன்றரை ரூபாய் பன்.
பி. கு2:
உன் கண்ணுல காதல் தெரிஞ்சிது', '10௦ எண்ணுவதற்குள் திரும்பி பார்ப்பா' போன்ற 1008 முறை அரைத்த மாவுகள் நீங்கலாக நல்ல ரசனைக்கு கிடைத்த தீனிகள் இந்தஓரிரு வசனங்கள் மட்டுமே :

'அவளோட Front அ விட Back அ தான் அதிகமா பாத்தேன். Not that I am complaining here’
' நான் மட்டும் தான் பேசுவேன். அவ பேசவே மாட்டா. Like one way traffic to a heart breaking City'

பகிர்தல்

2010-06-15T06:56:00.000-07:00

ஷில்மிஷம்:

நீ செய்தாலும் சரி
நான் செய்தாலும் சரி
கடைசியில் நீ வெக்கப்பட்டு
பழியை என் மேல் தள்ளிவிடுகிறாய்..!

பிடித்தது:

உன்னில் எனக்கு பிடித்தது
என்ன தெரியுமா?
இக்கேள்விக்கான என் விடையை
மற்றிக்கொண்டே இருக்கிறாயே,
அது தான்..!

பெண்மை:

எல்லைகள் மீறிய
தருணங்களில் அல்ல,
அவை மறுக்கப்பட்ட
தருணங்களில் உணர்ந்த்தேன்
உன் பெண்மையை

தலைசிறந்த பதிவர் ஆவது எப்ப்ப்புடீடீடீஈஈஈஈஈ...!

2010-06-14T07:58:00.000-07:00

Blog யில் Superstar ஆவது, நாம் நினைப்பது போன்று எளிதான விஷயம் அல்ல. நிறைய கடினங்கள் உண்டு. தடைகள் உண்டு. இதை எல்லாம் பொருட்படுத்தாமல்உழைக்க வேண்டும்.

முதல் வேளையாக ஒரு நாளைக்கு குறைந்தது ஒரு போஸ்ட் போட்டு விட வேண்டும். அப்படி போட மறந்தால் கூட மன்னிக்கப்படும், ஆனால் ஒரு போஸ்ட்க்கு 50 comments குறையாமல் பெற வேண்டும்.

எல்லோருக்கும் புரிவது போலவும், எல்லோருக்கும் சுவாரஸ்யம் தருவது போலவும் உள்ள சில அறிய போஸ்ட்களை போட வேண்டும். எடுத்துக்காட்டாக , எதாவதுஒரு நண்பனை பற்றி, ' I met him first time @.…know him since..’ என்று ஆரம்பித்து ஒரு 10 பக்க சுய புராணம் படிக்க வேண்டும் . குறிப்பாக இந்த வகை பதி வுகளைஆங்கிலத்தில் எழுதினால் ம மிக நன்று. சில GRE வாரத்தைகள் போட்டால் , மிகவும் நன்று.

காலை முதல் மாலை வரை, தான் சாபிட்டது, அணிந்த உடையின் நிறம், பார்த்த ஆட்கள் என்று (கடைசி ரக காதலர்கள் பேசிக்கொள்வது போல்) எல்லாகதைகளையும் எழுதி Blog ஐ அழகு படுத்த வேண்டும் .

நீங்கள் communicator இல் கூட்டமாய் மொக்கை போடுவதோ, அல்லது செயின் மெயில் களில் மொக்கை போடுவதோ கூடவே கூடாது. ‘FC la போய் Samosa சாப்டபோறேன். யார்லாம் வரீங்க’ என்று கேட்பதாக இருந்தால் கூட, அதற்கு நீங்கள் Blog ஐ தான் பயன்படுத்த வேண்டும்.

அதை விட முக்கியம் , நீங்கள் எழுதும் பதிவுகளில் ஏதேனும் ஒரு மூலையில் கூட சிந்தனைக்கு இடம் ககொடுத்து விடக் கூடாது. அப்படி ஒன்று நடந்தால் உங்களின்Blogger Superstar ஆகும் முயற்சி இத்துடன் நின்று விடும்.

" கண்ணாடி பாத்தேன். உன் முகம் தெரிந்தது "
" இட்லி சாப்டேன். உன் முகம் தெரிந்தது "
என்று யாராவது ஒரு பெண் கவிதை(கவிஞர்களே என்னை மன்னிக்கவும்) எழுதியிருந்தால்,
அதை படித்து விட்டு, மனசாட்சியை சற்று ஓரம் தள்ளி விட்டு, 'சூப்பரா இருக்குங்க. எப்புடி இப்புடி உணர்ச்சி பூர்வமா எழுதறீங்க" என்று சொல்ல வேண்டும்.

நாளைக்கு நான் பீச் போறேன். எந்த நிற உடை அணிந்தால் அழகாக இருக்கும் என்பது போன்ற அணைத்து புத்திசாலிகளையும் சிந்தனையில் ஆழ்ந்துவிடும் கேள்விகளை அடிக்கடி கேட்டு, அதன் மூலம் comments rate யில் ஒரு சதம் பெற்றால், உங்களுக்கு அது ஒரு Added Advantage.

இது போன்ற, இன்ன பிற சிறந்த பதிவுகளை எழுதி, நல்ல படைப்புக்களை தர முயற்சி செய்யும் சில பதிவர்களையும் அடையாளம் தெரியாமல் மாற்றி விடவேண்டும்.

இவ்வாறாக செய்து வந்தால், வருடத்தில் இந்த நாள் மாத்திரம் அல்ல எல்லா நாளும் நீங்கள் தான் தலைசிறந்த பதிவர்.

பி.கு: இதை படிக்கும் வேளையில், 'இதில் என்ன தவறு இருக்கிறது’ என்று நினைத்தாலோ, உங்களை தாக்கும் விதத்தில் எழுதி இருப்பதாக தோன்றினாலோ , நீங்கள்பாதி வெற்றி அடைந்து விட்டீர்கள் என்று அர்த்தம். உங்களுக்கு ‘Blogger கூட்டத் தலைவர்’ ஆகும் வெற்றி வாய்ப்பு மிக அதிகம் என்பதில் அணுவளவும் சந்தேகம்இல்லை.

அங்காடித் தெரு - கேள்வி ..!

2010-06-05T23:20:00.000-07:00

அன்புள்ள ஜெ ,

சமீப காலமாக உங்கள் இணையதளத்தை தொடர்ந்து படித்தும் மகிழ்ந்தும் வருகிறேன். அதற்கான ஒரு முக்கிய காரணம், இங்கே பேசப்படும் விஷயமும், பேசும் விதமும் மக்களின் சாதாரண சிந்தனை தளத்திற்கு ஒரு படி மேல் இருப்பதாக தோன்றும் உணர்வுகளே.

இப்பொழுது விஷயத்திற்கு வருவோம். அங்காடித் தெரு படத்தை பார்பதற்கு முன்னரே உங்கள் தளத்தில் வரவேற்பு விமர்சனங்களைப் படித்தேன். நான் இப்பொழுது சொல்லப்போவது மற்றவர்கள் போலானது அல்லாமல், ஒரு எதிர்மறைக் கருத்து தான்.

கொடுமைகளும், அதன் நடுவில் இயல்பு காதல்களும் படத்தில் நன்றாகவே சித்தரிக்கப்பட்டுள்ளன.

'மூர்த்தி சிறுசானாலும்' என்று பாதியில் முடிக்கப்பட்ட வாக்கியம், 'கனி இருப்பக் காய் கவர்ந்தற்று' போன்ற வசனங்கள் வெகுவாகக் கவர்ந்தன.

படம் பார்த்து முடித்ததும் என்னுள் பல எண்ணங்கள் ஓட ஆரம்பித்தன. முதல் விஷயம், இப்படத்தில் வெகுவான பாராட்டிற்கு தகுதியென ஏதேனும் உண்டா என்று.

அதாவது, தமிழ் திரையுலகம் இப்பொழுதுள்ள கொடூர நிலையினாலும், மசாலாவின் ஆதிக்கத்தாலும் இது போன்ற எதார்த்த முயற்சிகளுக்கு நல்ல பெயர் எளிதில் கிட்டுகின்றனவா? இக்கேள்வியை பொறுத்தவரையில் எனக்கு பதில் 'ஆம்' என்று தான் தோன்றுகிறது.

'அப்படி என்ன இந்த படத்தில் உள்ளது?' என்று யாரேனும் கேட்டால், உடனே இதை மசாலாப் படங்களுடன் ஒப்பிட்டு இதன் தரத்தை சற்று உயர்த்த வேண்டி இருக்கிறது. அப்படியான தரைமட்ட படங்கள் முற்றிலும் இல்லை என்றால், இப்படத்திற்கு இத்தனை பாராட்டுகள் கிட்டியிருக்குமா என்ற கேள்வியும் தோன்றுகிறது.

இது அல்லாது, வித்யாசமான கோணல் என்று கண்டதுமே அதை பாராட்ட ஒரு கூட்டம் இருக்கும். அதன் பங்கும் இதில் அதிகமாக இருக்கலாம் என்று எண்ணத் தோன்றுகிறது.

இன்னொரு விஷயம் சோகம்.

சேது, பருத்தி வீரன் போன்ற படங்களில் உள்ள சோகம் எதார்த்தம் அழிப்பவை. இன்னும் சொல்லப் போனால், அதன் சிறப்பு சோகத்தில் தான் அடங்கி உள்ளது.

அதற்கும் அடுத்த நிலையில் சோகங்கள் இடம் பெறுவதாக நான் நினைக்கும் படங்கள் 'வெண்ணிலா கபடி குழு, ரேணிகுண்டா' போன்றவை. அதன் முடிவுகளில் துக்கம்-இன்பன் இரண்டும் சமநிலை பாதிப்புகளையே உண்டாக்கும் எனத் தோன்றுகிறது. இருப்பினும் அவைகளின் சோக முடிவுகள் முக சுளிப்புகள் செய்யாதவை. ஆனால் இந்த படத்தில் அப்படி இல்லையே. எதார்த்தம் என்ற வார்த்தை தவறாக அல்லவா புரள்கிறது.

சினிமா என்பது பொழுதுபோக்கு, அதில் சோகத்திற்கு இடம் இல்லை என்று மொக்கை போடும் கூட்டத்தின் முட்டாள்தனம் இருக்கிறதே. அந்த கோட்பாடுக்கு எதிராக நம்மைப்போல் ஒரு கூட்டம் உண்டு. இந்த இரண்டாம் வகை கூட்டத்தின் ஆதரவு நிச்சயம் கிட்டிவிடும் என்ற எண்ணத்தில் தாறுமாறாக எதிர்வினைகளை திணித்துள்ளார் வசந்தபாலன். சோகம் என்பது நுழைந்தவுடனே எதிர்ப்பவர்களைப் போலத்தான், இங்கே சோகம் என்ற ஒன்றைக் கண்டதும் ஆதரிப்பவர்களையும் நான் பார்க்கிறேன்.

நான் முதல் வரிகளில் சொன்ன, 'உங்கள் இணையத்தில் சிந்தனை ஒரு படி மேல் ' என்பது இந்த விஷயத்தில் என்னை சற்று யோசிக்க வைக்கிறது.

பொதுவாக படங்களுக்கு நாம் தரும் மதிப்பெண் மக்களின் வரவேற்பின் பாதிப்பை சற்றேனும் உற்கொண்டிருக்கும். அதனால் இந்த படத்தைப் பெரிதார பாராட்டத் தோன்றாமல் இருக்கலாம். என் எண்ணத்தில் தவறிருந்தால் சுட்டிக் காட்டலாம். திருத்திக்கொள்ள தயங்க மாட்டேன் .

இவண்,

ந. நவீன் குமார்.

வேசியின் குரல் -II

2010-06-05T07:19:00.000-07:00

அதிகாலைச் சூரியன்,

கடற்கரை நிலவு,

மாலை நேர மலைச்சாரல்.

அனைத்துமே எங்களுக்கு

நான்கு சுவர்களுக்குள்..!

செய்ய துடிக்கும்

பெண்களுக்கா?

செய்ய வெறுக்கும்

பெண்களுக்கா?

யாருக்கு கிடைக்க வேண்டும்

இந்த அவலப்பெயர் ?!!

சுகந்திர தினம்.

காந்தி ஜெயந்தி.

பண்டிகை தினங்கள்.

அரசு விடுமுறைகள்.

என்றைக்கு குடுத்தார்கள்

உம்மக்கள் எங்களுக்கு ஓய்வு?

இல்லத்தரசிகளே,

நாங்கள் விட்டு வைத்த

மிச்சம் தான் உங்களுக்கு.

சுகம்,

வலி,

ஆணாதிக்கம்,

அசுர குணம்.

அனைத்தும்.

காமத்தை பகிர

மட்டும் விடிய விடிய

நேரம் போதவில்லை உனக்கு.

பலியை எங்களுக்கு மட்டுமா?

அந்த 3 நாட்கள் கூட

மறுக்க முடியாததன்

எங்கள் காரணம் இருக்கட்டும்.

உன்னை யோசித்துப் பார்.

கார்னர் சீட்.

இரவு விடுது.

தோழியுடன் விடுமுறை.

எங்கள் தயவு

பெறாதோர் பழகுவது

தூக்கம்,

உணவு,

தொழில்,

வாழ்க்கை.

அனைத்தும் ஓரிடத்தில்.

இருந்தாலும் சௌகர்யமில்லை.

ஆயிரத்தில் ஒருவன் - ஒரு பார்வை

2010-01-17T12:34:00.000-08:00

ஆயிரத்தில் ஒருவன் படத்தை பற்றி பல அணுகு முறைகள் உள்ளன. நான் கேட்ட பரவலான விமர்சனங்கள் :
முதல் பாதி பரவாயில்லை. இரண்டாம் பாதி சரி இல்லை என்று சிலர் ,
மேலோட்டமாக படத்தைப் பார்த்து பிடிக்கவில்லை என்று சிலர்,
பிடிக்கவில்லை என்றாலும் நன்றாக உள்ளது என்றே சொல்லுவோம்
என்று சிலர், ஆங்கிலப் படம் போலுள்ளது என்று சொல்லுவோம் என்று சிலர். இவை எல்லாம் நீக்கிவிட்டு இந்த படம் நிஜமாகவே எப்படி உள்ளது என்று யோசித்து பார்த்தல், அது ஒரு புத்தகம் எழுதும் அளவுக்கு போகும். எனவே மிகச் சுருக்கமாக சொல்லும் முயற்சியில் இறங்குகிறேன்.

படத்தின் முதல் காட்சியான 1279 ஆம் ஆண்டில் நடக்கும் மூன்றாம் இராஜேந்திர சோழனின் காட்சியிலேயே படத்தின் காட்சி அமைப்பு எவ்வளவு தரத்தை எட்டி இருக்கிறது என்று நன்றாக தெரிந்துகொள்ளலாம். சோழ வர்க்கம் அழிவைத் தொடும் தருணங்களில் ஒரு சோழ இளவரசனைக் காப்பாற்றும் இந்த காட்சி படத்தின் கரு.
அடுத்து வரும் படத்தின் ஆரம்ப காட்சிகள் சாதரணமாக நகர்கின்றன. ஆங்காங்கே செல்வாவின் touch. எம்.ஜி.ஆர் யின் ஆயிரத்தில் ஒருவனின் பாடலை (கிட்டத்தட்ட முழு பாடலைப்) போட்டு ஆடுவதெல்லாம் சாதாரண இயக்குனர்கள் கடைபிடிக்கும் மொக்கைகள்.
அதன் பின் தொடரும் காட்சிகள், சோழர்களை கண்டுபிடிக்க ஏழு ஆபத்துகளைத் தாண்டிச் செல்லும் காட்சிகள் அட்டகாசம். கடல் , காட்டுவாசிகள், காவலர்கள், பாம்பு, பசி, புதைக்குழி, கிராமம் போடற ஆபத்துகளைக் கடக்கும் காட்சிகள் மிக நுணுக்கமாகச் சித்திரிக்கப்பட்டுள்ளன.
காட்டு வாசிகள் மற்றும் பாம்பு காட்சிகளில் பிரமிப்பு. காவலர்களிடம் சண்டை இடும் காட்சிகளில் சிறப்பான Camera.

நடராசன் நிழலைத் தொடரும் காட்சி சிந்திக்க வேண்டிய ஒன்றா சிந்திக்க தேவை இல்லாத ஒன்றா என்று சிந்திக்கச் செய்கிறது.
இப்படி அனைத்துமே வேகமாகச் செல்கிறது. இரண்டாம் பாதியில் உள்ள சில சின்ன திரைக்கதை கோளாறுகளை நீக்கினால், இது நிச்சயம் ஒரு சிறந்த படம். தற்போது சொல்லப்போனால், இது ஒரு சிறந்த முயற்சி.
Graphics பொறுத்தவரை ஒரே பேச்சு தான். படம் முழுக்க பல்வேறு காட்சிகளில் இடம் பெரும் கிராபிக்ஸ் நம்மால் முடிந்த, முகம் சுளிக்கச் வைக்காதவை . நாம் இது வரை தொடாத ஒரு இடம். இந்த கிராபிக்ஸை ஆங்கில படத்துடன் ஒப்பிடுவது பாமரத்தனம்.
'உன் மேல' பாடலின் காட்சி அமைப்பு typical செல்வா touch. 'ஒ ஈசா ' பாடலின் visual பார்த்தல் அதன் making மற்றும் editing சாதாரண தமிழ் பாடலைத் தாண்டி வெகு தூரத்தில் உள்ளது என்பதை புரிந்துகொள்ளலாம். படத்தின் இசையை பொறுத்தவரை ஒன்று மட்டும்
தான் சொல்ல முடியும். படத்தின் திசைக்கும் , தரத்திற்கும், வெற்றிக்கும் (ஒருவேளை பெற்றால்) எந்தவித இடையூறும்
விளைவிக்காத இசை. அவ்வளவே. சில இடங்களில் பின்னணி இசை நன்றாகவே உள்ளது.. உதாரணம்.. ரீமா சென் சோழ
மன்னனை ஏமாற்றியது அனைவர்க்கும் தெரிந்துபோன சோக காட்சியின் பின்னை இசை அருமை. எனினும் இதற்கு
முந்தைய செல்வா படங்களில், ஒவ்வொரு பாடலும் மிரட்டும், பின்னணி இசை (BG scores) தனியே கேட்டாலும் வாயை பிளக்க வைக்கும். இந்த படத்தின் இசை அவ்வாறு நிச்சயம் இல்லை. ஆனால் இதற்கு ஒரு exception தான் 'Celebration of Life'.
படம் வெளியாகும் முன்னரே இந்த Music Track ஐ கேட்டு வியந்தேன். படத்தில் அதன் காட்சியுடன் சேர்ந்து பட்டையை கிளப்புகிறது.அதே போல், சோழ மன்னனின் ஆறுமுக காட்சி, பின்னணியில் ' The King Arrives' அருமை. நிச்சயமாகச் சொல்வேன்,
Celebration of Life மற்றும் The King Arrives காட்சிகள் பின்னணி இசையுடம் சேர்த்து பார்பவர்களை மிரள வைக்கும். Hollywood தரத்தை ஒத்தவை. மற்றபடி ' ஒ ஈசா , உன் மேல ' போன்ற பாடல்கள் எல்லாம் சாதரணமான ஹிட் பாடல்கள். அவ்வளவே. அதன் இசைகளில் பாராட்ட ஒன்றும் இல்லை.

மற்றபடி படத்தினை ஒட்டுமொத்தமாக ஆராய்ந்தால் :
சோழர்கள் தப்பிச் செல்லும்போது ஏற்படுத்திய ஏழு ஆபத்துகள், சோழர்களை தேடிப்போன ஒரு பாண்டியத் தளபதி அந்த ஏழு ஆபத்துகளைப் பற்றிய குறிப்புகளை ஓலைச்சுவடியில் வடித்திருப்பது, குகைக்குள் காலாகாலமாக நடக்கும் சோழர் சாம்ராஜ்யம், அவர்களின் வாழ்க்கைமுறை, பின்பு நடக்கப் போவதை முன்பே கணித்து ஓவியங்களாக பாதளக்குகையின் சுவர்களில் தீட்டி வைத்திருப்பது, கடைசி ஆபத்தான கிராமத்தின் அமைப்பு. இவை எல்லாம் வித்தியாசமான பிரமிக்கவைக்கும் கற்பனைகள்.

இன்னும் நுணுக்கமாகப் பார்க்கப் போனால், கிராமம் சென்றபின் பைத்தியமாகி பின்னர் முதியவரின் முன் ஆடைகளை அகற்றிவிட்டுச் செல்வது , அந்நியர்களுக்கு சோழர்கள் விதிக்கும் சோதனை, சொழா மன்னனின் பாத்திரப் படைப்பு, 13 ஆம் நூற்றாண்டின் தமிழ் பேச்சு, ரீமா
சென்னின் கன்னித்தன்மையை சோதனை செய்வது , ரீமா சென்னுக்கும் பார்த்திபனுக்கும் இடையில் நடக்கும் காட்சிகள், மயானத்தில் வென்றபின் கார்த்திக்கு மரியாதை கொடுப்பது. இது போன்ற கற்பனை அமைப்புகள் படத்திற்கு அதிக பலம்.

பின்னர்படத்தின் முடிவு, முதல் காட்சியைப் போலவே அமைகிறது - சோழ இனம் அழியும் பொது, இளவரசன் மட்டும் காப்பாற்றப் படுவது.

பல காட்சிகளில் உள்ள வித்தியாசமான கற்பனை. இயல்பான நடிப்பு ( கிராமம் சென்றபின் 3 பேருக்கும் பைத்தியம் பிடிக்கும் காட்சிகளில் கூட அவர்கள் நடிப்பின் திறன் காணலாம் ). போர்க்காட்சிகளை இது போன்று வேறு தமிழ் படத்தில் Reality யுடன் பார்த்திருக்க முடியாதது.
செல்வராகவனின் இயக்கம், ராம்ஜியின் ஒளிப்பதிவு, சந்தான‌த்தின் கலை அனைத்தும் நிச்சயமாகப் பாராட்டப்பட வேண்டியவை.
அங்கங்கே Troy, Gladiator, 300 போன்ற படங்களின் சாயல் வந்து போவது உண்மை. ஒரு சில Formula களை காப்பி அடித்தாலும் ஒளிப்பதுவும், காட்சி அமைப்பும் நான்றாக இருக்கத்தானே வேண்டும்.

என்னைப் பொறுத்த வரை இதை ஒரு நல்ல படம் என்று சொல்வதை விட, மிரளவைக்கும் முயற்சி என்று சொல்வேன். தமிழ் சினிமாவின் அடுத்த தளம் என்பதில் சந்தேகம் இல்லை.

ஆங்கிலப்படங்களுக்கு நிகரானது என்று சொல்ல முனையும் வினாடியில் , கமல்ஹாசன் சொன்னது தான் ஞாபகம் வருகிறது :
' இதனை ஆங்கிலப்படங்களுக்கு நிகரானது என்று சொல்லாதீர்கள். அப்படிச் சொன்னால் தான் தரமான படம் என்று அர்த்தமா?
ஆங்கிலேயன் சவரன் செய்வது எப்படி என்று தெரியாமல் ஆதி மனிதனாக திரிந்த காலத்தில் யாப்பிழங்காரிகை எழுதிய கூட்டம் இது . உலகம் சுற்றும்போது ஒரு பக்கம் பகல், இன்னொரு பக்கம் இரவு என்பது போலொரு சரித்திர மாற்றம் தான் இவை. நிலை மாறும்'

தமிழ் சினிமாவின் நிலை அப்படி மாறுமாயின் 'ஆயிரத்தில் ஒருவன்' அதற்கொரு துவக்கமாக இருக்கும் என்பதில் சந்தேகமில்லை.

வேசியின் குரல் - உரையாடல் கவிதைப் போட்டிக்காக

2009-12-25T07:24:00.000-08:00

நீ செய்வதற்கும்
நான் செய்வதற்கும்
விடை ஒன்று தான்.
அர்த்தங்கள் வெவ்வேறு.
‘பசி’

காமம் என்னும் சொல்லை
உச்சரிக்க அஞ்சும்
உன் காலாச்சாரம் தான்
எமக்கு இன்னும்
சோறு போட்டு வருகிறது.

மனைவியின் நினைவு,
மனசாட்சியின் குரல்,
கடவுள் நம்பிக்கை.
என்னருகில் வருகையில்
அனைத்தும் கலற்றப்படுகிறது
உன் அழுக்குச்
சட்டையுடன் சேர்த்து.

'ஒருவனுக்கு ஒருத்தி'
விதிமுறைகள் காப்பதுண்டா?
எங்களுக்குள் உண்டு
தினம் தினம் இரவு..!

எம்மிடம் வருபவனுக்கும்
வராது மறுப்பவனுக்கும்
வேறுபாட்டிற்கு தமிழில்
அழகான ஒற்றைச் சொல்.
'பயம்'

உங்களுக்கு
செய்ய முடியா இன்பம்.
எங்களுக்கு
செய்ய முடியாவிடில் இன்பம்.

ஆணிடம் வேசி
அடிமையும் ஆகிறாள்.
ஆணிடம் அடிமைப்பெண்
வேசியும் ஆகிறாள்.

என்னை அவலம் பேசி
காதலியை கொஞ்சிப் பேசி
காதலிக்குள் என்னைத் தேடும்
காமுகனே காதலன்.

'இளங்கன்று பயம் அறியாது'
பழமொழிகள் எங்களிடம்
தோற்பதுண்டு.

பகல் முழுக்க
நடந்த விசாரணைக்கு
இரவு முழுக்க
தண்டனை வழங்கியது
உங்கள் நீதிமன்றம்..!!!

எனக்குள் நான் - IV

2008-11-22T07:58:00.000-08:00

-கே : பெண்களிடம் கேட்க கூடாதது ?
ப : சில நேரங்களில் கேள்வியே விடை ஆவதுண்டு .

-கே : தரமான திரைப்படங்கள் சில மக்களுக்கு பிடிப்பதில்லையே ?
ப : ஆம். பிடிப்பதில்லை (புரிவதில்லை)

-கே : ஒரு துன்பத்தை மறக்க வைக்கும் சக்தி எதற்கு உண்டு?
ப : அதை விட பெரிய துன்பம்.

- கே : ஒருவர் வாழ்வில் இரண்டு காதல் சாத்தியமா ?
ப : இல்லை. அவற்றுள் ஒன்றேனும் உண்மையாக இருப்பின்.

- கே : நம்பிக்கை இருந்தால் வெற்றி கிடைக்குமா?
ப : நம்பிக்கை மட்டும் இருந்தால் வெற்றி கிடைக்காது.

-கே : மனித பரிணாம வளர்ச்சியின் முதல் படி எது ?
ப : I Love (to have sex with) You

Evolution Of Lovers:

2008-11-16T00:01:00.000-08:00

Earlier:
Understand each other. Get committed.

Yesterday:
Get committed. Try to understand each other.

Today:
Neither understand each other nor get committed.

NAVEEN'S PHILOSOPHY - III

2008-11-15T21:36:00.000-08:00

Man who struggles in an unexpected bad situation should be a Positive Thinker.

Good people exists by two means. Fear of God and Lack of opportunity. The latter case is more.

There are two types of people ; Those who have Ego and those who don’t know Ego.

Dinosaurs are unlucky to appear in any of the ancient stories ; They should have been discovered bit earlier.

Happiest couples are those who have not come across all circumstances of life.

Supporters of Female are known as Feminist while that of Male are called as Male chauvinist.

HUwoMAN BRAIN

2008-11-08T21:36:00.000-08:00

There exists a cold war between a group of species from Mars with that of those from Venus since the day they started thier civilization. Still today, even though they live together on a place called Earth, the species tend to return to their own places - Mars/Venus at some point of time/place/circumstance,etc in every aspect of thier life. The so called cold war has not termed as an actual war because of the fact 'Opposite poles' in terms of Science or 'Inter-dependent' in terms of Survival.

This conflict is found to be due to the nature of the being. There are many terms in the world which a man and a woman define in a different way and hence a man/woman find differences in all the aspect of life. When you try to find the origin of all these differences, the solution for all your questions lies in a single word called 'Brain'.

The so called terms such as emotions, possessive, anger, sensitivity, etc etc are various values of a single variable called Brain. The conflict in all aspect of life which men and women faces are results of the difference in which thier brain works.

Here is a simple explanation on Men's and Women's Brain by Mark Gungor :

Legendary Birth

2008-11-07T08:45:00.000-08:00

நடிகர்களின் ரசிகர் மன்றம் என்பது எதிர்கால இந்தியாவின் தூண்கள் என்று கருதப்படும் இளைஞர் பட்டாளத்தை எந்தவித பயனும்/முன்னோக்கமும் இல்லாமல் அவர்களின் நேரத்தை வீணாக்கும் இடமாகவே இருந்து வருகிறது என்பது என் கருத்து . அந்த இளைஞர் கூட்டமான தனது ரசிகர்களின் மீது அக்கறை கொண்டு எந்த நடிகரும் அவர்களை நல்வழியில் எடுத்துச் செல்லும் நோக்கத்துடன் செயல்பட்டதாக தோன்றவில்லை. மாறாக தனக்கென ஒரு கூட்டம் தேவை என்ற சுயநல எண்ணத்துடம் ஒவ்வொரு நடிகனும் தன்னுடைய ரசிகர் பட்டாளத்தை பயன்படுத்திக் கொண்டனர்.

இந்த கூட்டத்தின் நடுவில் நான் கண்ட ஒரே விதிவிலக்கு பத்மஸ்ரீ கமல் ஹாசன் . தனது ரசிகர் மன்றத்தை நற்பணி மன்றமாக மாற்றி, மக்களுக்கு ஏதேனும் ஒரு வகையில் உதவும் கூட்டமாக மாற்றினார். 'மனித நேயம்' என்பதை தன் படைப்புகளில் சாராம்சமாக எடுத்துச் சொல்லும் அவரின் எண்ணம் இதற்கு மற்றொரு எடுத்துக் காட்டு.

இதற்கு இடையில், இன்று (கமல் ஹாசனின் பிறந்த நாள் ) அவர் தனுது ரசிகர்களுக்கு சொன்ன செய்தி :

The legend of Tamil Cinema, Padmasri Dr.KamalHaasan, makes this special day (his birthday) in his own style, without making the day, special. This is another example of his view towards humanity which he emphasised in number of his movies. Here is one more fact to prove that he is not a celebrity, but a legend.

Click on the below pic :

கடவுள் ?!

2008-10-25T12:21:00.000-07:00

கடவுள் என்பது உண்மை என்றும் கற்பனை என்றும் வெகு காலமாக நடந்து வரும் விவாதத்திற்கு இரு கூட்டங்களை சேர்ந்தவர்களும் அவரவர்க்கு நியாயமாக படும் கருத்துகளை சொல்லி வருகிறார்கள்.

கடவுள் உண்டா என்ற கேள்விக்கு 'ஆமாம்' என்றும் 'இல்லை' என்றும் சாத்தியமான பதில்கள் இரண்டு.இந்த கேள்விக்கு மற்றொரு உண்மையான பதில் 'தெரியாது'

இத்தனை காலமாக ஒரு நிரந்தர விடை காண இடம் கொடுக்காமல் விவாதம் மட்டுமே நடத்த அனுமதி வழங்கிய இந்த கேள்விக்கு ஒரு பதில் கொடுக்கும் முயற்சியில் நான் ஈடுபடபோவதில்லை.

இதை பற்றி ஏதேனும் எழுத முற்படும் முன், இந்த கேள்வியை முதன் முதலில் உலகிற்கு கொண்டு வந்த பகுத்தறிவாளர்களுக்கு என் நன்றியை சொல்லி கொள்கிறேன்.
உங்களுடைய இந்த முற்போக்கு சிந்தனைக்கு என் ஆச்சிர்யம், பாராட்டு அனைத்தும் சமர்ப்பணம். அதற்கு முன் உங்களுக்கு சில விஷயங்களை நினைவு படுத்த விரும்புகிறேன்...

- உனது கடவுளை விட எனது கடவுள் தான் பெரிது என்று நம்பிக்கைக்கு
எடுத்துக்காட்டாக திகழும் மகான்களின் மத்தியில் நாம் வாழ்ந்து கொண்டிருக்கிறோம்.

- முயற்சியால் கிடைக்காத வெற்றி அறை ஜான் கயிற்றினால்
கிடைக்கும் என்று நினைக்கும் மேதைகளின் மத்தியில் நாம் வாழ்ந்து கொண்டிருக்கிறோம்.

- தன்னை வருத்திக் கொண்டால், பதிலாக தனக்கு நன்மை தருபவன் என்று
மனத்திரையில் கடவுளுக்கு வில்லன் கதாபாத்திரம் குடுத்திருக்கும்
பக்தர்களின் மத்தியில் நாம் வாழ்ந்து கொண்டிருக்கிறோம்.

- புண்ணியம் கிடைக்கும் என்று நம்பும் ஒரே காரணத்திற்காக பிறருக்கு சில
நன்மைகலேனும் செய்யும் பொதுநலக் காரர்களின் மத்தியில் நாம் வாழ்ந்து
கொண்டிருக்கிறோம்.

- சரித்திரக் கதைகளில் வரும் மாயாஜாலங்களை அப்பட்டமாக நம்பி வரும்
சிந்தனையாளர்களின் மத்தியில் நாம் வாழ்ந்து கொண்டிருக்கிறோம்.

- 90 சதவிகிதத்தினர் கடவுள் நம்பிக்கை உள்ளவர்களாக இருப்பினும் உலகில்
நடைபெறும் குற்றங்களை எந்தவித குறைபாடும் இல்லாமல் நடத்தி வரும்
நியாயமானவர்களின் மத்தியில் நாம் வாழ்ந்து கொண்டிருக்கிறோம்.

-அன்றாடம் கடவுள் இருக்கிறார் என்று சொல்லிக் கொண்டு, தப்பு செய்யும் தருணங்களில் மட்டும் ( அதனால் கிடைக்கும் லாபம்/சுகம்/திருப்தி ஆகியவற்றை விட்டுக்கொடுக்க மனமில்லாமல் ) கடவுளை மறந்து விடும் நல்லவர்களின் மத்தியில் நாம் வாழ்ந்து கொண்டிருக்கிறோம்.

- கற்பனையா உண்மையா என்று தெரியாத ஒன்றிற்காக உண்மையில் இருக்கும் மனிதர்களை வெட்டிச் சாய்க்கும் வீரர்களின் மத்தியில் நாம் வாழ்ந்து கொண்டிருக்கிறோம்.

இவை அனைத்தும் என்றாவது ஒழியும் என்றால்,அன்றைக்கு இந்த தலைப்பைப் பேச நாம் தகுதி பெற்றவர்கள் ஆவோம். அந்நாள் இந்நூற்றாண்டின் தேதிகளில் இடம் பெறுவது சந்தேகம் தான் எனினும், என்றேனும் நிகழப்போகும் அந்த நாளுக்காக சிறிது பகுத்தறிவை மிச்சம் வைப்போம். அது வரை இவ்விதிமுறைகளை மாற்ற முற்படுவோம். கடவுளின் பெயரால் நடக்கும் உயிர் சேதங்களைத் தவிர்ப்போம். அரிவாள் பேசுவதை நிறுத்தி, அறிவால் பேசத் துவங்குவோம்.

Survival of the Fittest

2008-10-16T13:27:00.000-07:00

தமிழ் சினிமா உலகில் தரமான படங்களின் எண்ணிக்கை குறைவாக இருப்பதற்கு ஒரு முக்கிய காரணம் அவற்றுக்கு மக்கள் தரும் குறைந்த பட்ச ஆதரவே.மக்களின் ஆதரவு பெற்ற மிகச் சில நல்ல படங்கள் இருப்பினும்,அதை தவற விட்ட தரமான படங்கள் ஏராளம்.

இந்த பட்டியலில் நான் கண்ட ஒரு படைப்பு அல்லது நான் முதலில் சொல்ல விரும்பும் ஒரு படம் 'புதுப்பேட்டை'.செல்வராகவனின் திறனை முழுதும் எடுத்துக் காட்டிய இந்த படம் தமிழ் மக்களிடையே வெற்றியை தழுவ விட்டதில் ஆச்சிர்யம் ஏதும் இல்லை.

ஒரு இளைஞனின் வாழ்க்கைப் பாதை, அரசியல் கட்சியின் பின்னணியில் நடக்கும் சம்பவங்கள், மனிதனின் வாழ்கையில் நிகழும் பொற்காலங்கள்/போர் காலங்கள் மற்றும் படத்தின் தலைப்பான Survival of the Fittest என்று எதை வேண்டுமானாலும் கதையின் சாராம்சமாகக் கூறலாம். ஒவ்வொரு காட்சியிலும் வசனம், பின்னணி இசை, காட்சி அமைப்பு ஆகிய அனைத்தும் மிக அழகாக சித்திரிக்கப் பட்டுள்ளன.

தரமான கதை, திரைக்கதை, இயக்கம், நடிப்பு, கதாபாத்திரங்களின் தேர்வு,ஒளிப்பதிவு,பின்னணி இசை,பாடல்கள்.. எல்லாவற்றுக்கும் மேலாக சினிமாத்தனம் இல்லாத Reality. இவை அனைத்தும் இருப்பதால் தமிழ் நாட்டு ரசிகப் பெருமக்களுக்கு முதன் முறை பார்த்தவுடன் புரிந்துவிடும் என்று எதிர்பார்த்தது இயக்குனர் செல்வராகவனின் மிகப்பெரிய தவறு.

செல்வராகவன் - யுவன் சங்கர் ராஜா ஜோடியின் இசைப் படைப்பில் உச்சத்தை எட்டியிருக்கும் ஒரு படைப்பு.
யுவன் சங்கர் ராஜா - நா.முத்துக் குமார் ஜோடியின் உச்சத்தை எட்டியிருக்கும் பாடல்கள்.

'இருட்டினிலே நீ நடக்கயிலே உன் நிழலும் உன்னை விட்டு விலகி விடும்;
நீ மட்டும் தான் இந்த உலகத்திலே உனக்கு துணை என்று விளங்கி விடும்'

'உலகதின் ஓரம் நின்று அத்தனையும் பார்த்திருப்போம்;
நடப்பவை நாடகம் என்று நாமும் சேர்ந்து நடித்திருப்போம் '

'இது அழித்தல் வேலை. இந்த உலகன் தேவை. அதை நாங்கள் செய்தல், ஊர் தான் வணங்குமா? '

'காற்றில் கனிகள் விழுந்திடும் வரைக்கும் காத்திருக்காதே, கல்லடி கிடைக்கும்'

போன்ற பாடல் வரிகள் அதனை எடுத்துக் காட்ட போதுமானவை.

- நல்லதொரு படைப்பை வழங்கி தமிழ் சினிமா தரத்தின் உயர்வுக்கு உறுதுணை அளிக்கும் இயக்குனர் செல்வராகவனுக்கு நன்றி.

- தமிழ் சினிமா வரலாற்றில் சிறந்த பின்னணி இசை மற்றும் பாடல்களை கொண்ட படங்களை பட்டியலிட்டால் முன் வரிசையில் அமரக்கூடிய படங்களில் நிச்சயம் இடம் பெரும்
இந்த அறிய இசை படைப்பை கொடுத்த யுவன் சங்கர் ராஜா அவர்க்கு நன்றி.

- பாடல்கள் ஒவ்வொன்றுன்றிலும் தன் எழுத்து திறமையை நிரூபித்து காட்டிய பாடலாசிரியர் நா.முத்துக் குமார் அவர்க்கு நன்றி.

- 'ஒரு நாளில் வாழ்க்கை' என்ற உன்னதமான பாடல் ஒன்றை கொடுத்த
யுவன் சங்கர் ராஜா - நா.முத்துக் குமார் இனைப்புக்கு நன்றி.

- தன்னுடைய ஒவ்வொரு படத்திலும் தரத்தை அதிகப் படுத்தி ரசிகர்களை குறைத்து கொண்ட இயக்குனர் செல்வராகவனுக்கு நன்றி.

- இத்தனை சிறப்பு மிக்க ஒரு படைப்பை அடையாளம் தெரியாமல் மாத்திய நமது தங்கத் தமிழ் ரசிகர்களுக்கு மிக்க நன்றி.

Indian Submissions for Oscars

2008-10-10T13:08:00.000-07:00

The Indian Government appoints a committee to choose the best movie released that year, which is sent as India's official entry to the Oscars for a nomination for Best Foreign Film the following year.

There are totaly 35 movies chosen for this nomination in varies time periods from varies languages across India, among which there are 8 Tamil movies which have been chosen for this nomination. Check them :

Year - Movie - Director

1969 - Deivamagan - Kiran Kumar Chenna
1987 - Nayagan - Mani Ratnam
1990 - Anjali - Mani Ratnam
1992 - Thevar Magan - Bharathan
1995 - Kurudhipunal - P.C. Sreeram
1996 - Indian - Shankar
1998 - Jeans - Shankar
2000 - Hey Ram - Kamal Haasan

Source :
http://en.wikipedia.org/wiki/List_of_Indian_submissions_for_the_Academy_Award_for_Best_Foreign_Language_Film

Kamal Haasan's involvement in the above movies:

As Actor - in 5 movies.
As Story writer - in 3 movies.
As Script writer - in 3 movies.
As Director - in 1 movie.

My Top 10 Movies in Tamil

2008-10-10T13:01:00.000-07:00

1. Nayagan.
2. Thalapathi.
3. Thevar Magan.
4. Kuruthi Punal
5. Kannathil Muthamittal.
6. Hey Ram.
7. Indian.
8. Ramana.
9. Guna.
10.Iruvar.

THE IDEAL NOSECUT

2008-10-09T18:05:00.000-07:00

Kamal Haasan is one among the very few talented ones in Tamil Cinema Industry.He is well know for his new attempts in his work.No doubt that his movies gets involved in critics even before their release. Here is one among them. This is regarding one of his greatest works 'Virumandi'. This movie is not an exception in this aspect.

Earlier it was named as 'Sandiyar' and he has been compelled to change the name. Also there were much criticim on the subject in which the movie has been driven.

Kamal is well known for his speech (also). Here is one great reply from him for those whose criticise the name and subject of the movie Virumandi

எனக்குள் நான் - III

2008-10-06T13:11:00.000-07:00

- கே : கடவுள் நம்பிக்கை உள்ளவர்கள் தப்பு செய்வது இல்லையா ?
ப : நல்ல கேள்வி !!

-கே : காதல் திருமணம்/ நிச்சயிக்கப்பட்ட திருமணம் - எது இன்பம் ?
ப : காதல் (திருமணம்)

-கே : பெண்கள் நம் கண்கள் ?
ப : ஆம். ஒவ்வொரு ஆணுக்கும் இரண்டு கண்கள் :)

-கே : காதல் வரமா? சாபமா?
ப: இருதலை காதல் வரம்;
ஒருதலை காதல் சாபம்.

-கே: கடவுள் இருப்பதற்கான ஆதாரம் ஏதேனும் உண்டா ?
ப : உண்டு எனில் இக்கேள்வியே இருந்துருகாது .

-கே : ஆண்களுக்கு மட்டும் ஏன் காம உணர்ச்சி அதிகமாக உள்ளது ?
ப : அவ்வாறு அனைவரும் நம்புவதால்

-கே : கண்டுபிடிப்பின் எல்லை எது?
ப : கண்டுபிடிப்பின் எல்லை எது என்பதை கண்டு பிடிப்பது.

-கே : வாழ்க்கையில் வெற்றி பெற்றவன் யார் ?
ப : எப்போதும் சந்தோஷமாக இருக்க தெரிந்தவன்.

-கே : மூட நம்பிக்கைக்கு உதாரணம் ?
ப: நம்பிக்கையை மட்டும் வைத்து வெற்றிக்கு ஆசை படுவது.

-Q: Ladies first ????

A: Yes. There is alwayz a rough copy before a fair one.

NAVEEN'S QUOTES - II

2008-10-06T13:04:00.000-07:00

It is interesting that theists becomes atheist during the time of their sin.

'Failures are stepping stones' is true. But the number of steps may extend to infinity.

Sex is a drug which is legally accepted.

Modern girls look good until you get close to them. Both physically and mentally.

Examples are better than Definitions for any term except ‘Example’.

Men invented weapons to rule the world; Women discovered themselves as weapons to rule men.

NAVEEN'S QUOTES - I

2008-09-12T12:42:00.000-07:00

I hAVe nOT FElt aNYthInG to be iNcoNVenIenT uNTil I lEArnT wHaT ‘convenient’ Is.

Love starts with the rule ‘Something is better than Nothing’
and ends with the rule ‘Nothing is better than Non-Sense’

Sex is a software where installation time is more than the time you work on.

It is interesting that all theists doesn't remember God during the time of their sin.

'Boredom' can be defined as something which a girl feels once all her problems get resolved.

Bad ones and Fools are two dangerous types of people ;
Former one cannot be changed easily, Later one cannot be changed at all.

NAVEEN'S PHILOSOPHY - II

2008-09-12T12:38:00.000-07:00

‘Luck’ and ‘Fate’ are two virtual words representing the Better and Bitter ends of probability.

‘Be Happy with what you have’ is antonym of the words ‘Invention’ and ‘Innovation’.

Love and Money are two things which seems to give happiness until you attain them.

Men is more interested in sex while women in pretending they aren’t.

Don’t blame on sadists. God comes under the same category.

எனக்குள் நான் - II

2008-09-12T12:20:00.000-07:00

- கே: விஞ்ஞானத்தின் வியத்தகு வளர்ச்சிக்கு காரணம் என்ன ?
ப : கேள்விக்குறியும் ஆச்சிரியக்குறியும் ?!

- கே: மனித கற்பனையின் எல்லை எது ?
ப : எல்லாம் இறைவன் செயல்.

- கே: புத்தி ; மனசு - ஒப்பிடுக.
ப : நிஜம் ; நிழல் .

- Q : Positive Thinking / Negative thinking ??!!
A : Practical Thinking.

- கே :புத்திசாலித்தனம் என்பது எது ?
ப: புத்திசாலித்தனத்தையும் முட்டாள்தனத்தையும் வித்தியாசப் படுத்த தெறிவது.

Boy-Girl Friendship :

2008-09-12T11:58:00.000-07:00

What's the Reality hidden & Realtime happening ?

- Not able to understand the truth.
- Not trying to understand the truth.
- Not willing to understand the truth.

Do U c ne coincidence here?

2008-09-12T11:55:00.000-07:00

Sinner : Crime; Escape; Bigger crime.
Girls : Mistake; Silence; Tears.

gIrL's dEManD:

2008-09-12T11:53:00.000-07:00

They don’t want a guy who look bad.

They don’t want a guy who think bad.

They don’t want a guy who look like bad.

They don’t want a guy who look them bad.

They don’t want a guy who pretend to be bad.

They want a guy who is really Bad.

எனக்குள் நான் - I

2008-08-20T13:14:00.000-07:00

எனது சமுதாயம்/ உலகம் என்னிலிருந்து மாறுபடுகின்றது. எவ்வாறு என்று
எனக்குள் எழுந்த கேள்விகளுக்கு நானே விடை கொடுக்கும் கட்டாயம்.
இவற்றுள் சிந்தனையின் வெளிப்பாடும் அடங்கும்.

அவற்றுள் சில...இதோ... :

- கே: கடவுள் உண்டா ?
ப : அன்பே சிவம்

- கே: விதியை நம்புவதுண்டா ?
ப : ஆம். விஞ்ஞானம் கூறிய அனைத்து விதிகளையும் நம்புவதுண்டு .

- கே: ஆசை இல்லை என்றால் ஏமாற்றம் இராதல்லவா ?
ப: ஆம். மாற்றமும் இராது.

- கே: மன்னிக்க முடியாத தப்பு எது ?
ப: தப்புக்கு மன்னிப்பு தருவது.

- கே: தப்பு செய்யாதவர்கள் உண்டா ?
ப: உண்டு. வாய்ப்பு கிடைக்காதவர்கள்.

-கே: முயற்சி செய்தால் வெற்றி நிச்சயமா?
ப: முயற்சி இல்லையேல் தோல்வி நிச்சயம்.

-கே: பிச்சைகாரி ; விலை மாது - ஒப்பிடுக
ப: தவறு ; தப்பு

-கே: கோபப்படுவது தவறா ?
ப: கோபத்தை காரணம் காட்டுவது தவறு.

- கே: தோழி மனைவி ஆகலாமா?
ப: மனைவி தோழியாக இருப்பது நன்று.

-கே: பெண்களிடம் நீங்கள் கண்டு ஆச்சிரியப்படுவது ?
ப: ஆச்சிரியப்படும் அளவிற்கு ஒன்றுமே இல்லாமல் போனது தான்.

தொடரும்...

NAVEEN'S PHILOSOPHY - I

2008-08-20T12:41:00.000-07:00

People who are called as Good are those who think they are good;
People who are called as Bad are those who think that others are good

When u go on with chain of victories,people will start hating you.
Eg: Australian Cricket Team.

If u are not able to succeed in any job,Either die trying or try dying.

Sleeping is the second happiest thing in the world...i guess.....now dont ask me what is the first one.

A Person should definitely believe in God, when he doesn’t believe in himself.